యాడ బోయాడో ఎక్కడి కేగాడో
నా ముద్దుల మొగుడేడ బోయాడో
ఏమై పోయాడో
ఎద్దులు గొట్టి ముద్దలు దినే
నిద్దర మొగపు మొద్దు నా మొగుడేడ
బోయాడో ఆడేడ బోయాడో
అయ్యో యాడ బొయాడో ఎక్కడి కేగాడో
నా ముద్దుల ముగుడేడ బోయాడో ఏమై పోయాడో
కోడి కూతతో లేసి కూసుంటాడు
బాన మోకెత్తుక బాయికి పోతాడు
కాడి మాను కూర్చి కపిల తోలుతాడు
అలుపన్నదే లేక అండ జెక్కుతాడు
పచ్చని పైరే ఆడి ప్రాణము
పుట్టినూరే ఆడి లోకము "పచ్చని "
పట్టిడుపు తెలియని పసి మనసున్నోడు
ఐదునాళ్లయి అయిపులేక పోయ
అత్త మామ లొచ్చి ఏడి వాడంటె
నేనేమి సెప్పేదిరో నేనేమని సెప్పేదిరో
ఏడు కొండా లెంకన్న సామి
యాదగిరి నరసిమ్మ సామి "యాడ "
రచ్చబండ కాడ రంపులాకు బోడు
సాని కొంపలాకు సరసమాడ బోడు
పల్లి పొలిమేర దాటెరగనోడు
పట్నమెట్టుంటాదొ సూసెరగనోడు
కడుపు నిండితే కైలాసము
ఉన్నతావే వైకుంటము
పట్టిడుపు తెలియని పసి మనసున్నోడు
ఐదు నాళ్లాయ అయిపు లేక పాయ
అత్త మామ లొచ్చి ఏడి వాడంటె
నేనేమొ సెప్పేదిరో నేనేమని సెప్పేదిరో
ఏడు కొండాలెంకన్న సామి
యాదగీరీ నరసిమ్మ సామి. " యాడ"
Comments
Post a Comment