Song on Ayyappa

 

పల్లవి:

మణికంఠుని మాల వేద్దాం 

ఓ స్వామి కన్నె స్వామి 

మనలోని నీరసాన్ని వదిలేద్దాం

మణికంఠుని మాల వేద్దాం 

ఓ స్వామి నా స్వామి

మనలోని తామసాన్ని తరిమేద్దాం 

క్రమశిక్షణ నైవేద్యంగా కోరు దేవుడు 

బంజరులో బ్రతుకు బాట తీర్చేటి దేవుడు ||మణి||

చరణం:

తెల్లవారక ముందే చన్నీటి స్నానాలు

కాయాన్ని కష్టానికి శృతి చేయు వైనాలు

మేలుకొలుపు మణికంఠుని మధురమైన గానాలు

సడిన సోలు వీనులకు సరియైన బోనాలు 

||మణి||

చరణం:

స్వామీ స్వామీ అంటూ అందరినీ పిలవాలి 

మనుషులంతా ఇలలోన ఒకటియనీ తలవాలి 

నేలపైన పవళింపు నిత్యమూ చేయాలి 

నేలతల్లి ఒడి తోడు చివరదని తెలియాలి 

||మణి||

చరణం:

నల్లని వలువలూ శనీశ్వరుని చరణాలు 

దీక్ష ముగిసినాక చేరు అయ్యప్ప చరణాలు 

అయ్యప్పా అయ్యప్పని శరణు వేడితే

మన ఇంట ప్రసరించు ఆ దైవ కిరణాలు 

||మణి||