Song on Parents Love

తల్లిదండ్రుల ప్రేమ 

పల్లవి:

అమ్మ ప్రేమ కన్నా నాన్న ప్రేమ కన్నా 

అవనిలోన మిన్న ఏముందిరా కన్నా 

అమ్మంటే అనురాగం కురిపించే ఒక మేఘం 

నాన్నంటే మమకారం నీ కంటికి ప్రాకారం 

నైవేద్యం కోరని దేవత ఇలలోన అమ్మంటే 

కోరకున్న వరములు ఇచ్చే కులదైవం నాన్నంటే 

||అమ్మ ప్రేమ||

చరణం:

బుడిబుడి అడుగులతో నడిచి బడలోకి నువ్వు వెళుతుంటే 

తమ ప్రాణాలను నీ వెంటే నీడగా నీతో పంపారు 

అమ్మానాన్నల అరికాళ్ళే అమరేను నీకు మేజోళ్ళు

ఎండావానా తమ పాలే అందేను నీకు మురిపాలు 

అడుగులే జారిన గుండెలోన దిగు గునపాలే

కన్నులే వాలినా  కుమిలి పోవు తమ కనుపాపే

ఇంతకన్న విలువైన ప్రేమ కనిపించేనా ముల్లోకాల్లో 

||అమ్మ ప్రేమ||

చరణం:

సూటూబూటూ నీకేసి దొరబాబులాగ నిను చూసి

చేతి మిషనుతో అతుకేసి చిరుగు బట్టలతో గడిపారు 

ఉన్నత చదువులు చదివించి ఉన్నవాడిగా నిను పెంచి

సన్నని బియ్యం తినిపించి సద్దిబువ్వనూ తిన్నారు 

వంటినే వింటిగా పంపినారు ముందుకు నిన్ను 

వాలితే మధ్యలో విరిగిపోక ఉందా వెన్ను

ఇంతకన్న విలువైన ప్రేమ కనిపించేనా ముల్లోకాల్లో 

||అమ్మ ప్రేమ||